کسی منزل پہ بھی ظلم و ستم سے ڈر نہیں سکتا

کسی منزل پہ بھی ظلم و ستم سے ڈر نہیں سکتا

کہ میں سجدہ کبھی باطل کے آگے کر نہیں سکتا

یہ مانا لفظ میں اظہار کی قوت تو ہوتی ہے

مگر حق و حقیقت کو بیاں یہ کر نہیں سکتا

اسے اخلاق اور تہذیب کا کیوں درس دیتے ہو

شکم جو آدمی نان جویں سے بھر نہیں سکتا

اسیر آرزو رہتا ہے جو انسان دنیا میں

سکون دل کسی صورت وہ حاصل کر نہیں سکتا

فدا جو مغربی تہذیب پر ہیں جان جائیں گے

دیا مغرب کا مشرق کو منور کر نہیں سکتا

بھروسہ دل سے ہے لاغرؔ جسے اس کی عنایت پر

وہ انساں اہل دنیا پر بھروسہ کر نہیں سکتا

kisi manzil pe bhi zulm-o-sitam se dar nahin sakta

ke main sajda kabhi batil ke age kar nahin sakta

ye mana lafz mein izhar ki quwwat to hoti hai

magar haq-o-haqiqat ko bayan ye kar nahin sakta

use akhlaq aur tahzib ka kyun dars dete ho

shikam jo admi nan-e-jawin se bhar nahin sakta

asir-e-arzu rahta hai jo insan duniya mein

sukun-e-dil kisi surat wo hasil kar nahin sakta

fida jo maghribi tahzib par hain jan jaenge

diya maghrib ka mashriq ko munawwar kar nahin sakta

bharosa dil se hai laghar jise us ki inayat par

wo insan ahl-e-duniya par bharosa kar nahin sakta