دل سنبھلتے سنبھلتے سنبھل جائے گا

دل سنبھلتے سنبھلتے سنبھل جائے گا

غم مسرت کے سانچے میں ڈھل جائے گا

آنے والے دنوں پر بھروسہ کرو

ہر اندھیرا سحر میں بدل جائے گا

حاکم وقت ڈر آہ نادار سے

اس کی گرمی سے ورنہ تو جل جائے گا

راستہ پر خطر ہے سنبھل کر چلو

پاؤں ورنہ تمہارا پھسل جائے گا

مرگ دشمن پہ کیسی خوشی دوستو

دم ہمارا بھی اک دن نکل جائے گا

کوئی غنچہ نہ توڑو کسی شاخ سے

باغباں کا کلیجہ دہل جائے گا

فکر لاغرؔ کی بے سود ہے دوستو

اس کا غم شعر و نغمہ میں ڈھل جائے گا

dil sambhalte sambhalte sambhal jaega

gham masarrat ke sanche mein dhal jaega

ane wale dinon par bharosa karo

har andhera sahar mein badal jaega

hakim-e-waqt dar ah nadar se

us ki garmi se warna to jal jaega

rasta pur khatar hai sambhal kar chalo

paon warna tumhara phisal jaega

marg dushman pe kaisi khushi dosto

dam hamara bhi ik din nikal jaega

koi ghuncha na toro kisi shakh se

baghban ka kaleja duhul jaega

fikr laghar ki be sud hai dosto

us ka gham sher-o-naghma mein dhal jaega