زندگی جاتے جاتے یہ کیا کہہ گئی

زندگی جاتے جاتے یہ کیا کہہ گئی

موت کچھ فاصلے پر کھڑی رہ گئی

کوئی بھی سخت جاں تجھ سا دیکھا نہیں

جاتے جاتے مجھے ہر بلا کہہ گئی

جو زباں نے کہی وہ ادھوری رہی

بات پوری مری خامشی کہہ گئی

مسکرائے ادھر وہ مرے حال پر

اشک بن کر ادھر آرزو بہہ گئی

کوچ سوئے عدم ہر مکیں کر گیا

اور حویلی کھڑی کی کھڑی رہ گئی

جو بھی خوبی تھی لاغرؔ تری ذات میں

تنگ دستی کے سیلاب میں بہہ گئی

zindagi jate jate ye kya kah gai

maut kuchh fasle par khari rah gai

koi bhi sakht jan tujh sa dekha nahin

jate jate mujhe har bala kah gai

jo zaban ne kahi wo adhuri rahi

bat puri miri khamushi kah gai

muskurae idhar wo mire hal par

ashk ban kar idhar arzu bah gai

kuch su-e-adam har makin kar gaya

aur haweli khari ki khari rah gai

jo bhi khubi thi laghar tiri zat mein

tang dasti ke sailab mein bah gai