چھیڑتی ہے وہ نظر اب مرے دل کو ایسے

چھیڑتی ہے وہ نظر اب مرے دل کو ایسے

کسی جراح کی پھوڑے یہ جراحت جیسے

دل میں رہتی ہے تری یاد کی خوشبو ایسے

کسی صحرا میں کوئی پھول کھلا ہو جیسے

ہر پرستار چمن سوچ رہا ہے دل میں

وقت سے پہلے خزاں آئی چمن میں کیسے

تو کہ بگڑی ہوئی تقدیر بنا سکتا ہے

میں کہ تقدیر کے ہاتھوں میں کھلونا جیسے

اس طرح ٹپکے مری آنکھ سے شعلے لاغرؔ

میرے سینے میں کہیں آگ لگی ہو جیسے

chherti hai wo nazar ab mire dil ko aise

kisi jarrah ki phore ye jarahat jaise

dil mein rahti hai tiri yad ki khushbu aise

kisi sahra mein koi phul khula ho jaise

har parastar chaman soch raha hai dil mein

waqt se pahle khizan ai chaman mein kaise

tu ke bigri hui taqdir bana sakta hai

main ke taqdir ke hathon mein khilauna jaise

is tarah tapke miri ankh se shole laghar

mere sine mein kahin ag lagi ho jaise