بے اثر آرزو بے اثر ہے دعا

بے اثر آرزو بے اثر ہے دعا

با اثر ہے فقط ایک اس کی رضا

وہ گنہ گار محشر میں بخشا گیا

رحمت حق پہ جس نے بھروسا کیا

زندگی نے مجھے منہ لگایا نہ جب

منہ چڑھانے لگی میرا ظالم قضا

دست قدرت میں میں اک کھلونا سا ہوں

کس لئے ہے گناہوں کی مجھ کو سزا

نوجوانی میں تو محو عشرت رہے

اب بڑھاپے میں آئی ہے یاد خدا

دل کسی کے تصور میں کھویا رہے

درد دل کی یہی ہے فقط اک دوا

وقت ایسا بھی آتا ہے انسان پر

ہونا پڑتا ہے میداں میں تنہا کھڑا

جانے کیوں آج لاغرؔ نے چپ سادھ لی

ورنہ وہ روز دیتا تھا حق کی صدا

be asar arzu be asar hai dua

ba asar hai faqat ek us ki raza

wo gunah gar-e-mahshar mein bakhsha gaya

rahmat-e-haq pe jis ne bharosa kiya

zindagi ne mujhe munh lagaya na jab

munh charhane lagi mera zalim qaza

dast-e-qudrat mein main ik khilauna sa hun

kis liye hai gunahon ki mujh ko saza

naujawani mein to mahw-e-ishrat rahe

ab burhape mein ai hai yad-e-khuda

dil kisi ke tasawwur mein khoya rahe

dard-e-dil ki yahi hai faqat ik dawa

waqt aisa bhi ata hai insan par

hona parta hai maidan mein tanha khara

jane kyun aj laghar ne chup sadh li

warna wo roz deta tha haq ki sada