جب اسے گردش ایام نے مارا ہوگا

جب اسے گردش ایام نے مارا ہوگا

اے مصیبت میں کسے اس نے پکارا ہوگا

عزم و ہمت ہی سے قسمت کو سنوارا جائے

ایک مولا ہے تو کس کس کا سہارا ہوگا

سوئے کشتی جو یہ طوفان بڑھا آتا ہے

عزم و ہمت کے لئے اس میں کنارا ہوگا

پھول تو پھول ہیں کانٹوں سے لپٹ جاتا ہوں

یہ سمجھ کر کہ مجھے تیرا نظارہ ہوگا

اب نہ ساحل کی طلب ہے نہ کناروں کی تلاش

ڈوب جائیں گے جہاں وہ ہی کنارا ہوگا

میں بھلا تیرا پتہ دیر و حرم سے پوچھوں

جذبۂ عشق کو یہ کیسے گوارا ہوگا

تم تو پژمردہ غم خار میں ہو اے لاغرؔ

پھول مرجھائے تو کیا حال تمہارا ہوگا

jab use gardish-e-ayyam ne mara hoga

ai musibat mein kise us ne pukara hoga

azm-o-himmat hi se qismat ko sanwara jae

ek maula hai to kis kis ka sahara hoga

su-e-kashti jo ye tufan barha ata hai

azm-o-himmat ke liye is mein kinara hoga

phul to phul hain kanton se lipat jata hun

ye samajh kar ke mujhe tera nazara hoga

ab na sahil ki talab hai na kinaron ki talash

dub jaenge jahan wo hi kinara hoga

main bhala tera pata dair-o-haram se puchhun

jazba-e-ishq ko ye kaise gawara hoga

tum to pazhmurda gham khar mein ho ai laghar

phul murjhae to kya hal tumhara hoga