ستائش سے ہوتے نہیں شادماں

ستائش سے ہوتے نہیں شادماں

ملامت سے ہم تلملاتے نہیں

ہو خوف خدا جن کے دل میں بسا

وہ ہرگز کسی کو ستاتے نہیں

گناہوں سے دامن بچاتے ہیں ہم

عبادت میں گو سر جھکاتے نہیں

نہ ہم رہنما ہیں نہ ہم راہبر

غلط راہ لیکن بتاتے نہیں

عبادت سے پاتے ہیں ہم وہ سرور

جو مینا و ساغر سے پاتے نہیں

ہے آنکھوں سے پینے کی خواہش ہمیں

مگر وہ نظر تک ملاتے نہیں

محبت میں ہم کھائے بیٹھے ہیں مات

مگر اشک لاغرؔ بہاتے نہیں

sataish se hote nahin shadman

malamat se ham tilmilate nahin

ho khauf-e-khuda jin ke dil mein basa

wo hargiz kisi ko satate nahin

gunahon se daman bachate hain ham

ibadat mein go sar jhukate nahin

na ham rahnuma hain na ham rahbar

ghalat rah lekin batate nahin

ibadat se pate hain ham wo surur

jo mina-o-saghar se pate nahin

hai ankhon se pine ki khwahish hamen

magar wo nazar tak milate nahin

mohabbat mein ham khae baithe hain mat

magar ashk laghar bahate nahin