مقدر کی کیوں ہم شکایت کریں

مقدر کی کیوں ہم شکایت کریں

جو مل جائے اس پر قناعت کریں

خرد بے عمل بے یقیں کم نظر

جہاں میں جنوں کی حمایت کریں

مناسب ہے اصلاح اپنی ہمیں

نہ اوروں کو ہرگز ہدایت کریں

ہر اک سے محبت ہر اک پر کرم

نہ ہرگز کسی سے عداوت کریں

گلستاں کو بخشیں نئی زندگی

گل و نسترن کی حفاظت کریں

بتوں کا اگر فیض درکار ہے

تو سینے میں پیدا حرارت کریں

رکھیں بغض و کینہ سے دل پاک صاف

نہ دیر و حرم کی زیارت کریں

جوانو اٹھو نوجوانو اٹھو

ستم کے خلاف اب بغاوت کریں

بشر سے ہے لاغرؔ محبت اگر

نہ بے شک خدا کی عبادت کریں

muqaddar ki kyun ham shikayat karen

jo mil jae us par qanaat karen

khirad be amal be yaqin kam nazar

jahan mein junun ki himayat karen

munasib hai islah apni hamen

na auron ko hargiz hidayat karen

har ik se mohabbat har ik par karam

na hargiz kisi se adawat karen

gulistan ko bakhshen nai zindagi

gul-o-nastaran ki hifazat karen

buton ka agar faiz darkar hai

tu sine mein paida hararat karen

rakhen bughz-o-kina se dil pak saf

na dair-o-haram ki ziyarat karen

jawano utho naujawano utho

sitam ke khilaf ab baghawat karen

bashar se hai laghar mohabbat agar

na be shak khuda ki ibadat karen