نہ کر پائے دشمن بھی جو دشمنی میں

نہ کر پائے دشمن بھی جو دشمنی میں

کیا ہے رفیقوں نے وہ دوستی میں

بزرگوں سے پایا ہے یہ راز ہم نے

ہے جینے کی لذت فقط سادگی میں

عبث ہے عبادت عبث اس کا تقویٰ

اگر آدمیت نہیں آدمی میں

فلک تک اگر تو گیا بھی تو کیا ہے

بہت فاصلہ ہے ابھی آگہی میں

زمانے کو اب کوئی کیسے بتائے

بڑی تیرگی ہے نئی روشنی میں

بہادر مرا ایک ہی بار لاغرؔ

کئی بار بزدل مرا زندگی میں

na kar pae dushman bhi jo dushmani mein

kya hai rafiqon ne wo dosti mein

buzurgon se paya hai ye raz ham ne

hai jine ki lazzat faqat sadgi mein

abas hai ibadat abas us ka taqwa

agar admiyyat nahin admi mein

falak tak agar to gaya bhi to kya hai

bahut fasla hai abhi agahi mein

zamane ko ab koi kaise batae

bari tirgi hai nai raushni mein

bahadur mira ek hi bar laghar

kai bar buzdil mira zindagi mein