ہم جب تعصبات کی رو میں نکل گئے

ہم جب تعصبات کی رو میں نکل گئے

کتنے نئے مکان محلے کے جل گئے

گھر سے نکل کے دیکھیں کھلے آسمان میں

تبدیل ہم ہوئے ہیں کہ موسم بدل گئے

یہ بحث ہی فضول کہ کھوٹے تھے یا کھرے

سکے تھے چلنا ان کا مقدر تھا چل گئے

رستے پہ اک ضعیف کے چہرے کو دیکھ کر

کیا کیا خیال ذہن کے گوشوں میں پل گئے

پہچاننے میں آتا نہیں ہے اب اپنا شہر

دو چار سال میں سبھی نقشے بدل گئے

ham jab taassubat ki rau mein nikal gae

kitne nae makan mohalle ke jal gae

ghar se nikal ke dekhen khule asman mein

tabdil ham hue hain ke mausam badal gae

ye bahs hi fuzul ke khote the ya khare

sake the chalna un ka muqaddar tha chal gae

raste pe ik zaif ke chehre ko dekh kar

kya kya khayal zehn ke goshon mein pal gae

pahchanne mein ata nahin hai ab apna shahr

do char sal mein sabhi naqshe badal gae