وہ سلیقہ ہمیں جینے کا سکھا دے ساقی

وہ سلیقہ ہمیں جینے کا سکھا دے ساقی

جو غم دہر سے بیگانہ بنا دے ساقی

جام و مینا مری نظروں سے ہٹا دے ساقی

یہ جو آنکھوں میں چھلکتی ہے پلا دے ساقی

شعلۂ عشق سے چھلکا دے مرے شیشے کو

اور بیتاب کو بیتاب بنا دے ساقی

حرم و دیر میں بٹ جاتے ہیں رندان وفا

حرم و دیر کی تفریق مٹا دے ساقی

سن رہا ہوں کہ میسر ہی نہیں دنیا میں

اک نگہ راز دو عالم جو بتا دے ساقی

خشک ہے موسم احساس فضا پیاسی ہے

خم کے خم سینۂ گیتی پہ لنڈھا دے ساقی

پھر کبھی ہوش نہ آئے تو کوئی بات نہیں

آج ہم جتنی پئیں اتنی پلا دے ساقی

جوش مستی میں بغل گیر ہوں بچھڑے ہوئے دل

آج انسان کو انسان بنا دے ساقی

زندگی خواب مسلسل کے سوا کچھ نہ سہی

اس کی تعبیر تو درشنؔ کو بتا دے ساقی

wo saliqa hamen jine ka sikha de saqi

jo gham-e-dahr se begana bana de saqi

jam-o-mina miri nazron se hata de saqi

ye jo ankhon mein chhalakti hai pila de saqi

shola-e-ishq se chhalka de mire shishe ko

aur betab ko betab bana de saqi

haram-o-dair mein bat jate hain rindan-e-wafa

haram-o-dair ki tafriq mita de saqi

sun raha hun ke muyassar hi nahin duniya mein

ik nigah raz-e-do alam jo bata de saqi

khushk hai mausam-e-ehsas-e-faza pyasi hai

kham ke kham sina-e-giti pe lundha de saqi

phir kabhi hosh na ae to koi bat nahin

aj ham jitni piyen itni pila de saqi

josh-e-masti mein baghal gir hun bichhre hue dil

aj insan ko insan bana de saqi

zindagi khwab-e-musalsal ke siwa kuchh na sahi

us ki taabir to darshan ko bata de saqi