ذہنوں میں اس سفر کے اندھیرے اتر نہ جائیں

ذہنوں میں اس سفر کے اندھیرے اتر نہ جائیں

بچوں کا بڑھ کے ہاتھ پکڑ لو کہ ڈر نہ جائیں

تہذیب اپنے دور مدارج کو طے کرے

ہم قدروں کے اسیر رہائی سے مر نہ جائیں

سن تو رہے ہیں بھوتوں کے قصوں کو غور سے

پریوں کی داستانیں ہماری بکھر نہ جائیں

اب کے وطن سے لوٹ کے پردیس جاؤ تو

آنکھوں سے یاد بن کے یہ لعل و گہر نہ جائیں

کیا جانے اس معاش کی کب کیا گرفت ہو

پرواز ماند ہو بھی تو یہ بال و پر نہ جائیں

zehnon mein is safar ke andhere utar na jaen

bachchon ka barh ke hath pakar lo ke dar na jaen

tahzib apne daur madarij ko tai kare

ham qadron ke asir rihai se mar na jaen

sun to rahe hain bhuton ke qisson ko ghaur se

pariyon ki dastanen hamari bikhar na jaen

ab ke watan se laut ke pardes jao to

ankhon se yad ban ke ye laal-o-guhar na jaen

kya jane is maash ki kab kya giraft ho

parwaz mand ho bhi to ye bal-o-par na jaen