میں بھی ذرا خموش تھا تم بھی اداس تھے

میں بھی ذرا خموش تھا تم بھی اداس تھے

اک دوسرے کے دونوں ہی کچھ آس پاس تھے

چہرے بھی مسخ ہو گئے روحوں کے ساتھ ساتھ

کیا جانے کس طرح کے وہ زریں لباس تھے

اونچی عمارتیں بھی بنیں گی وبال جان

کچھ اپنے ساتھ اوروں کے بھی یہ قیاس تھے

اڑتے ہوئے جو دھوپ میں اترے تھکے پروں

تالاب خشک اور وہ صدیوں کی پیاس تھے

عقل و نظر سے اور بھی دشواریاں بڑھیں

اچھا تھا جب ٹھکانے نہ ہوش و حواس تھے

main bhi zara khamosh tha tum bhi udas the

ik dusre ke donon hi kuchh as pas the

chehre bhi maskh ho gae ruhon ke sath sath

kya jane kis tarah ke wo zarrin libas the

unchi imaraten bhi banengi wabal jan

kuchh apne sath auron ke bhi ye qayas the

urte hue jo dhup mein utre thake parun

talab khushk aur wo sadiyon ki pyas the

aql-o-nazar se aur bhi dushwariyan barhen

achchha tha jab thikane na hosh-o-hawas the