شگاف خانۂ دل سے ہی روشنی آئی

شگاف خانۂ دل سے ہی روشنی آئی

اسے تو آنا تھا ہر حال میں چلی آئی

کہیں خدا نہ بنے مجھ سے خوف ہجر عزیز

کبھی رلائی کبھی سوچ کے ہنسی آئی

اچھل رہی تھیں بہت مچھلیاں سی آنکھوں میں

جو ڈالا جال تو کھنچتی ہوئی ندی آئی

ہوا کے ہاتھ جلے اک دیا جلانے میں

وہ ساری بستی جلاتی ہوئی چلی آئی

وہ اپنے ساتھ کئی سائے لے کے ڈوبے گا

یہی امید در شمسؔ سے لگی آئی

shigaf khana-e-dil se hi raushni ai

use to ana tha har hal mein chali ai

kahin khuda na bane mujh se khauf-e-hijr aziz

kabhi rulai kabhi soch ke hansi ai

uchhal rahi thin bahut machhliyan si ankhon mein

jo dala jal to khinchti hui nadi ai

hawa ke hath jale ik diya jalane mein

wo sari basti jalati hui chali ai

wo apne sath kai sae le ke dubega

yahi ummid-e-dar shams se lagi ai