کیا اندھیرا ہے کیا اجالا ہے

کیا اندھیرا ہے کیا اجالا ہے

یہ نظریے کا بس حوالہ ہے

رنگ بس ایک ہی ہے دنیا میں

عشق نے حسن پر جو ڈالا ہے

روز سورج سحر میں گھر آئے

شام کو روز گھر نکالا ہے

ہیں دھنک میں جو دکھتے ساتوں رنگ

وہ تبسم نے تیرے ڈالا ہے

کون کھولے گا دل کا وہ کمرہ

نام کا تیرے جس پہ تالا ہے

زندگی کی کتاب کا پنا

ایک اجلا ہے ایک کالا ہے

شمسؔ کہتی ہے جس کو یہ دنیا

وہ مرے دل کا ایک چھالا ہے

kya andhera hai kya ujala hai

ye nazariyye ka bas hawala hai

rang bas ek hi hai duniya mein

ishq ne husn par jo dala hai

roz suraj sahar mein ghar ae

sham ko roz ghar nikala hai

hain dhanak mein jo dikhte saton rang

wo tabassum ne tere dala hai

kaun kholega dil ka wo kamra

nam ka tere jis pe tala hai

zindagi ki kitab ka panna

ek ujla hai ek kala hai

shams kahti hai jis ko ye duniya

wo mire dil ka ek chhala hai