رسی تو جل گئی مگر اینٹھن نہیں گئی

رسی تو جل گئی مگر اینٹھن نہیں گئی

چاہت تمہاری یوں دم کشتن نہیں گئی

تم چاہتے نہیں تھے ہمیں پھر یہ کیوں ہوا

اب بھی تمہاری آنکھوں کی الجھن نہیں گئی

کروٹ بدل کے کاٹی تھی ہر شب ترے بغیر

عادت وہ اب بھی چھوڑ کے مدفن نہیں گئی

ساری خدائی ویسے لگی تو رہی مگر

اس دل سے تیری یاد بھی دشمن نہیں گئی

اک بت کے عشق میں تو کرے ہے خدا خدا

اے شمسؔ تیری ذات برہمن نہیں گئی

rassi to jal gai magar ainthan nahin gai

chahat tumhari yun dam-e-kashtan nahin gai

tum chahte nahin the hamen phir ye kyun hua

ab bhi tumhari ankhon ki uljhan nahin gai

karwat badal ke kati thi har shab tire baghair

adat wo ab bhi chhor ke madfan nahin gai

sari khudai waise lagi to rahi magar

is dil se teri yad bhi dushman nahin gai

ik but ke ishq mein to kare hai khuda khuda

ai shams teri zat barahman nahin gai