دار و رسن پہ ہر کوئی منصور تو نہیں

دار و رسن پہ ہر کوئی منصور تو نہیں

جھلسے ہوئے پہاڑ سبھی طور تو نہیں

عیسیٰ نفس ہے عشق اگر یہ بتائیے

کہ ہے کبھی صلیب سے وہ دور تو نہیں

ہیں راہزن یہ سانسیں مری کیا بتاؤں میں

پھر بھی سفر حیات کا مجبور تو نہیں

یہ روشنی قصیدہ ہے تیرے ظہور کا

آنکھوں سے دکھ سکے وہ ترا نور تو نہیں

پتھر گلے میں باندھ کے دریا میں ڈوب جا

اے شمسؔ تیرا عشق اسے منظور تو نہیں

dar-o-rasan pe har koi mansur to nahin

jhulse hue pahar sabhi tur to nahin

isa nafas hai ishq agar ye bataiye

ke hai kabhi salib se wo dur to nahin

hain rahzan ye sansen miri kya bataun main

phir bhi safar hayat ka majbur to nahin

ye raushni qasida hai tere zuhur ka

ankhon se dukh sake wo tira nur to nahin

patthar gale mein bandh ke dariya mein dub ja

ai shams tera ishq use manzur to nahin