بھٹکتا ہوں مگر کھویا نہیں ہوں

بھٹکتا ہوں مگر کھویا نہیں ہوں

بنائی راہ پہ چلتا نہیں ہوں

مجھے رنگنے کی کوشش مت کرو تم

میں ماضی کا کوئی پنا نہیں ہوں

مجھے ہی لوگ کھو دیتے ہیں اکثر

کسی کو میں کبھی کھوتا نہیں ہوں

میں شامل ہوں فقیروں کی خوشی میں

میں سکہ ہوں مگر کھوٹا نہیں ہوں

نہا لیتا ہوں جا کر میکدے میں

لہو سے ہاتھ میں دھوتا نہیں ہوں

کسی کے گھر میں اب جاتا نہیں ہوں

بچھا کر جسم کی چادر وہ بولا

سمجھتے ہو جو تم ویسا نہیں ہوں

مری قیمت گرا سکتے نہیں تم

میں انساں ہوں کوئی روپیہ نہیں ہوں

bhatakta hun magar khoya nahin hun

banai rah pe chalta nahin hun

mujhe rangne ki koshish mat karo tum

main mazi ka koi panna nahin hun

mujhe hi log kho dete hain aksar

kisi ko main kabhi khota nahin hun

main shamil hun faqiron ki khushi mein

main sikka hun magar khota nahin hun

naha leta hun ja kar maikade mein

lahu se hath mein dhota nahin hun

kisi ke ghar mein ab jata nahin hun

bichha kar jism ki chadar wo bola

samajhte ho jo tum waisa nahin hun

miri qimat gira sakte nahin tum

main insan hun koi rupiya nahin hun