اپنا تمہیں بنانا تھا کہہ کر بنا لیا

اپنا تمہیں بنانا تھا کہہ کر بنا لیا

طرز وفا کا اک نیا دفتر بنا لیا

دنیا کو غم کا دریا کہا اہل علم نے

ہم نے تمہاری یاد کو گوہر بنا لیا

ہاتھوں میں اس کا ہاتھ لیا اور اس طرح

خود کو رہ وفا کا سکندر بنا لیا

میرے لہو میں لمس ترا دوڑتا ہے یوں

سینہ سے دل نکال کے ساگر بنا لیا

ٹھوکر لگا دی راہ میں جس در کو آپ نے

اس در کو سب نے میل کا پتھر بنا لیا

عہد وصال ان سے قیامت کے روز تھا

تو وقت ہجر شمسؔ نے محشر بنا لیا

apna tumhen banana tha kah kar bana liya

tarz-e-wafa ka ik naya daftar bana liya

duniya ko gham ka dariya kaha ahl-e-ilm ne

ham ne tumhari yad ko gauhar bana liya

hathon mein us ka hath liya aur is tarah

khud ko rah-e-wafa ka sikandar bana liya

mere lahu mein lams tira daurta hai yun

sina se dil nikal ke sagar bana liya

thokar laga di rah mein jis dar ko ap ne

us dar ko sab ne mel ka patthar bana liya

ahd-e-wisal un se qayamat ke roz tha

tu waqt-e-hijr shams ne mahshar bana liya