جنگلوں میں جو خدا تتلیاں محفوظ رکھے

جنگلوں میں جو خدا تتلیاں محفوظ رکھے

تو زمانے میں وہی لڑکیاں محفوظ رکھے

میں نے اک فصل اگا رکھی ہے درد دل کی

میری آنکھوں میں قضا بدلیاں محفوظ رکھے

بادباں کھول دیا ہم نے فلک کو کہہ دو

آندھیاں واندھیاں یہ بجلیاں محفوظ رکھے

دشت و صحرا میں رکھے عشق کو زندہ جو وہ

شہر کے بیچ میں ویرانیاں محفوظ رکھے

جب قفس دے ہی دیا ہے مری قسمت میں تب

وحشت عشق سے یہ تیلیاں محفوظ رکھے

jangalon mein jo khuda titliyan mahfuz rakhe

tu zamane mein wahi larkiyan mahfuz rakhe

main ne ik fasl uga rakhi hai dard-e-dil ki

meri ankhon mein qaza badliyan mahfuz rakhe

badban khol diya ham ne falak ko kah do

andhiyan wandhiyan ye bijliyan mahfuz rakhe

dasht-o-sahra mein rakhe ishq ko zinda jo wo

shahr ke bich mein wiraniyan mahfuz rakhe

jab qafas de hi diya hai miri qismat mein tab

wahshat-e-ishq se ye teliyan mahfuz rakhe