جب شہر دل میں پڑ گئے اس زر بدن کے پاؤں

جب شہر دل میں پڑ گئے اس زر بدن کے پاؤں

پڑتے نہیں زمین پہ اب اس چمن کے پاؤں

وہ کون آج راتوں میں گھر سے نکل پڑا

اٹھنے لگے ہیں شہر کی سمت آج بن کے پاؤں

لاؤ تو دھو دوں اشک سے وہ پاؤں میں ذرا

تیری گلی سے آئے ہیں اس برہمن کے پاؤں

کہتا ہوں دل میں آنے کو آتا نہیں ہے وہ

رکھتا نہیں ہے سل پہ وہ اپنے صنم کے پاؤں

آیا تو دل میں بیٹھ گیا بن کے دیوتا

اٹھے نہیں ہیں عشق دل بت شکن کے پاؤں

عرفان عشق توڑ دے زنجیر فعل کو

رک جائیں اپنے آپ ہی آواگون کے پاؤں

اب تک ہے قلب شمسؔ سے روشن یہ خلق بس

اک بار پڑ گئے تھے جو شعلہ بدن کے پاؤں

سارے تمدنوں کا ہے خطرے میں اب وجود

تھمتے نہیں ہیں پر کبھی گنگ و جمن کے پاؤں

jab shahr-e-dil mein par gae is zar badan ke paon

parte nahin zamin pe ab is chaman ke paon

wo kaun aj raton mein ghar se nikal para

uthne lage hain shahr ki samt aj ban ke paon

lao to dho dun ashk se wo paon mein zara

teri gali se ae hain is barahman ke paon

kahta hun dil mein ane ko ata nahin hai wo

rakhta nahin hai sil pe wo apne sanam ke paon

aya to dil mein baith gaya ban ke dewta

uthe nahin hain ishq dil but shikan ke paon

irfan-e-ishq tor de zanjir fel ko

ruk jaen apne ap hi awagon ke paon

ab tak hai qalb shams se raushan ye khalq bas

ik bar par gae the jo shola badan ke paon

sare tamaddunon ka hai khatre mein ab wajud

thamte nahin hain par kabhi gang-o-jaman ke paon