جذبۂ دل کو عمل میں کبھی لاؤ تو سہی

جذبۂ دل کو عمل میں کبھی لاؤ تو سہی

اپنی منزل کی طرف پاؤں بڑھاؤ تو سہی

زندگی وہ جو حریف غم ایام رہے

دل شکستہ ہے تو کیا ساز اٹھاؤ تو سہی

جاگ اٹھے گی یہ سوئی ہوئی دنیا لیکن

پہلے خوابیدہ تمنا کو جگاؤ تو سہی

پھول ہی پھول ہیں کہتے ہو جنہیں تم کانٹے

میری دنیاے جنوں میں کبھی آؤ تو سہی

تمہیں آباد نظر آئے گی اجڑی دنیا

دل کی دنیا کو محبت سے بساؤ تو سہی

زندگی پھر سے جواں پھر سے حسیں ہو جائے

ان کی آنکھوں سے ذرا آنکھ ملاؤ تو سہی

کرتے پھرتے ہو اندھیرے کی شکایت درشنؔ

دل کی دنیا میں کوئی دیپ جلاؤ تو سہی

jazba-e-dil ko amal mein kabhi lao to sahi

apni manzil ki taraf paon barhao to sahi

zindagi wo jo harif-e-gham-e-ayyam rahe

dil shikasta hai to kya saz uthao to sahi

jag uthegi ye soi hui duniya lekin

pahle khwabida tamanna ko jagao to sahi

phul hi phul hain kahte ho jinhen tum kante

meri duniya-e-junun mein kabhi ao to sahi

tumhen abad nazar aegi ujri duniya

dil ki duniya ko mohabbat se basao to sahi

zindagi phir se jawan phir se hasin ho jae

un ki ankhon se zara ankh milao to sahi

karte phirte ho andhere ki shikayat darshan

dil ki duniya mein koi dip jalao to sahi