تبصرہ کیوں کر رہے ہو بارہا اجداد پر

تبصرہ کیوں کر رہے ہو بارہا اجداد پر

فیصلہ ہوگا تمہارا آج کی بنیاد پر

بات تیری مل ملا کر ٹھیک ہے نقاد پر

شعر اچھا یا برا ہے منحصر ہے داد پر

سب حفاظت کر رہیں ہیں مستقل دیوار کی

جب کہ حملہ ہو رہا ہے مستقل بنیاد پر

کیسے نکلو گے بھلا اپنے گنہ کے جال سے

تم نے تو الزام سارا رکھ دیا صیاد پر

در بدر پھرنا پڑے گا عاشقوں کو عمر بھر

ظلم سہنا لازمی ہے وارث فرہاد پر

ماں کے پیروں کے تلے جنت کی نعمت ہے مگر

باپ کا سایہ بھی احیاؔ چاہئے اولاد پر

tabsira kyun kar rahe ho barha ajdad par

faisla hoga tumhara aj ki buniyad par

bat teri mil mila kar thik hai naqqad par

sher achchha ya bura hai munhasir hai dad par

sab hifazat kar rahen hain mustaqil diwar ki

jab ke hamla ho raha hai mustaqil buniyad par

kaise nikloge bhala apne gunah ke jal se

tum ne to ilzam sara rakh diya sayyad par

dar badar phirna parega ashiqon ko umr bhar

zulm sahna lazmi hai waris-e-farhad par

man ke pairon ke tale jannat ki nemat hai magar

bap ka saya bhi ihiya chahiye aulad par