جب کبھی درد کی تصویر بنانے نکلے

جب کبھی درد کی تصویر بنانے نکلے

زخم کی تہہ میں کئی زخم پرانے نکلے

چین ملتا ہے ترے شوق کو پورا کر کے

ورنہ اے لخت جگر کون کمانے نکلے

وقت کی گرد میں پیوست تھے سب زخم مرے

جب چلی تیز ہوا لاکھ فسانے نکلے

یہ کسی طور بھی اللہ کو منظور نہیں

کہ تو احسان کرے اور جتانے نکلے

پہلے نفرت کی وہ دیوار گرائے احیاؔ

پھر محبت کا نیا شہر بسانے نکلے

jab kabhi dard ki taswir banane nikle

zakhm ki tah mein kai zakhm purane nikle

chain milta hai tire shauq ko pura kar ke

warna ai lakht-e-jigar kaun kamane nikle

waqt ki gard mein paiwast the sab zakhm mire

jab chali tez hua lakh fasane nikle

ye kisi taur bhi allah ko manzur nahin

ke tu ehsan kare aur jatane nikle

pahle nafrat ki wo diwar girae ihiya

phir mohabbat ka naya shahr basane nikle