ہاتھوں کی لکیروں کا لکھا کاٹ رہے ہیں

ہاتھوں کی لکیروں کا لکھا کاٹ رہے ہیں

ہم اپنے گناہوں کی سزا کاٹ رہے ہیں

مٹتی نہیں تاریخ سے کوئی بھی عبارت

تاریخ لکھے گی کہ لکھا کاٹ رہے ہیں

ہے آج کی فصلوں میں عداوت ہی عداوت

کیا بویا تھا ہم نے یہاں کیا کاٹ رہے ہیں

ہم پھول ہیں مہکیں گے جدھر جائیں گے لیکن

اس باغ میں رہنے کی سزا کاٹ رہے ہیں

گاتے تھے کبھی وہ بھی محبت کے ترانے

موقع جو ملا ہے تو گلا کاٹ رہے ہیں

آسان بنانا ہے محبت کی ڈگر کو

چن چن کے سو ہم لفظ وفا کاٹ رہے ہیں

hathon ki lakiron ka likha kat rahe hain

ham apne gunahon ki saza kat rahe hain

mitti nahin tarikh se koi bhi ibarat

tarikh likhegi ke likha kat rahe hain

hai aj ki faslon mein adawat hi adawat

kya boya tha ham ne yahan kya kat rahe hain

ham phul hain mahkenge jidhar jaenge lekin

is bagh mein rahne ki saza kat rahe hain

gate the kabhi wo bhi mohabbat ke tarane

mauqaa jo mila hai to gila kat rahe hain

asan banana hai mohabbat ki dagar ko

chun chun ke so ham lafz wafa kat rahe hain