ہیں میرے زخم کی رعنائیاں عجیب و غریب

ہیں میرے زخم کی رعنائیاں عجیب و غریب

کہ اس کو چاہئے گہرائیاں عجیب و غریب

یہ کس کا زور ہے میرے چراغ کی لو پر

بنا رہا ہے جو پرچھائیاں عجیب و غریب

ہمارے خواب کی گلیوں سے کون گزرا ہے

کہ آ رہی ہیں یہ انگڑائیاں عجیب و غریب

نظر اتارتی ہے وقت وقت پر میری

ملی ہے ماؤں کو بینائیاں عجیب و غریب

جلائے میری ہی سگریٹ مری عیادت پر

یہ میرا دوست بھی ہے کائیاں عجیب و غریب

hain mere zakhm ki raanaiyan ajib-o-gharib

ke us ko chahiye gahraiyan ajib-o-gharib

ye kis ka zor hai mere charagh ki lau par

bana raha hai jo parchhaiyan ajib-o-gharib

hamare khwab ki galiyon se kaun guzra hai

ke a rahi hain ye angraiyan ajib-o-gharib

nazar utarti hai waqt waqt par meri

mili hai maon ko binaiyan ajib-o-gharib

jalae meri hi sigret miri ayadat par

ye mera dost bhi hai kaiyan ajib-o-gharib