ہجرت کرو تو رشتہ و سامان چھوڑ کر

ہجرت کرو تو رشتہ و سامان چھوڑ کر

ورنہ نہ جاؤ تم کبھی میدان چھوڑ کر

یوں تو لڑائی جھگڑے کی عادت نہیں مجھے

پھر بھی غلط کیا تھا گریبان چھوڑ کر

اب کوئی ملنے جلنے کو آتا نہیں ہے گھر

میں بھی ہوں بند کمرے میں دالان چھوڑ کر

اچھے برے سے پاک یہاں کوئی شے نہیں

تم فائدہ گنا کرو نقصان چھوڑ کر

خوشبو بکھیرنا مری فطرت ہے دوستو

خوشبو بکھیرتا ہوں میں گلدان چھوڑ کر

hijrat karo to rishta-o-saman chhor kar

warna na jao tum kabhi maidan chhor kar

yun to larai jhagre ki adat nahin mujhe

phir bhi ghalat kya tha gareban chhor kar

ab koi milne jalne ko ata nahin hai ghar

main bhi hun band kamre mein dalan chhor kar

achchhe bure se pak yahan koi shai nahin

tum faida gina karo nuqsan chhor kar

khushbu bikherna miri fitrat hai dosto

khushbu bikherta hun main guldan chhor kar