کیوں ہر طرف تو خوار ہوا احتساب کر

کیوں ہر طرف تو خوار ہوا احتساب کر

ناراض کیوں ہے تجھ سے خدا احتساب کر

حاصل تو ہو گئیں تجھے ساری سہولتیں

رزق حلال کتنا ملا احتساب کر

ہر دن کریدتا ہے تو اپنے ہی زخم کو

کیا ہے یہی مرض کی دوا احتساب کر

کب تک رہے گا روشنی کے انتظار میں

جلتا نہیں ہے خود سے دیا احتساب کر

گمنام ہو گیا ہے تو اپنی ہی بزم میں

کن غلطیوں کی ہے یہ سزا احتساب کر

اپنے کئے دھرے کا اب احیاؔ حساب کر

دنیا ملی کہ دین ملا احتساب کر

kyun har taraf to khwar hua ehtisab kar

naraz kyun hai tujh se khuda ehtisab kar

hasil to ho gain tujhe sari suhulaten

rizq-e-halal kitna mila ehtisab kar

har din kuredta hai to apne hi zakhm ko

kya hai yahi maraz ki dawa ehtisab kar

kab tak rahega raushni ke intizar mein

jalta nahin hai khud se diya ehtisab kar

gumnam ho gaya hai to apni hi bazm mein

kin ghalatiyon ki hai ye saza ehtisab kar

apne kiye dhare ka ab ihiya hisab kar

duniya mili ke din mila ehtisab kar