کتنا کمزور ہے ایمان پتا لگتا ہے

کتنا کمزور ہے ایمان پتا لگتا ہے

گھر میں آیا ہوا مہمان برا لگتا ہے

میں نے ہونٹوں پہ تبسم تو سجا رکھا ہے

غم بھلانے میں مگر وقت بڑا لگتا ہے

آپ بیکار مجھے شجرہ دکھانے آئے

آپ جو بھی ہیں وہ لہجے سے پتا لگتا ہے

جب ملاتا ہوں نظر تو نہیں ملتی نظریں

جب ہٹاتا ہوں نظر اس کو برا لگتا ہے

تتلیاں بن گئیں پھر آج وفادار کئی

باغ میں کوئی نیا پھول کھلا لگتا ہے

یوں غم ہجر کو دنیا سے چھپاتا ہوں مگر

کتنا کمزور ہوں آنکھوں سے پتا لگتا ہے

kitna kamzor hai iman pata lagta hai

ghar mein aya hua mehman bura lagta hai

main ne honton pe tabassum to saja rakha hai

gham bhulane mein magar waqt bara lagta hai

ap bekar mujhe shajara dikhane ae

ap jo bhi hain wo lahje se pata lagta hai

jab milata hun nazar to nahin milti nazren

jab hatata hun nazar us ko bura lagta hai

titliyan ban gain phir aj wafadar kai

bagh mein koi naya phul khula lagta hai

yun gham-e-hijr ko duniya se chhupata hun magar

kitna kamzor hun ankhon se pata lagta hai