ہماری روح کو چھوکر گزر گیا ہے ابھی

ہماری روح کو چھوکر گزر گیا ہے ابھی

وہ ایک لمحہ نہ جانے کدھر گیا ہے ابھی

کہ دور عشق میں اس کا بھی ایک جسم تو تھا

مجھے ہے شک وہ فضا میں بکھر گیا ہے ابھی

خزانے ڈھونڈھتا ہے وہ اگر تو لے جائے

ہماری آنکھ سے ضائع گہر گیا ہے ابھی

جبیں پہ لہریں تھیں بھیتر بدن میں طوفاں تھا

خدا کا شکر ہے دریا اتر گیا ہے ابھی

تمام عمر دئے میں نے وقت کو طعنے

ابھی سکون ہے تھوڑا سدھر گیا ہے ابھی

hamari ruh ko chhukar guzar gaya hai abhi

wo ek lamha na jane kidhar gaya hai abhi

ke daur-e-ishq mein us ka bhi ek jism to tha

mujhe hai shak wo faza mein bikhar gaya hai abhi

khazane dhundhta hai wo agar to le jae

hamari ankh se zae guhar gaya hai abhi

jabin pe lahren thin bhitar badan mein tufan tha

khuda ka shukr hai dariya utar gaya hai abhi

tamam umr diye main ne waqt ko taane

abhi sukun hai thora sudhar gaya hai abhi