فیض سمجھے تھے جسے تھا وہ زیاں حیرت ہے

فیض سمجھے تھے جسے تھا وہ زیاں حیرت ہے

یہ محبت ہی مرے دل کو گراں حیرت ہے

گزرے لمحات کا آنکھوں میں پگھلنا حیرت

اف تری یاد کی یہ طرز بیاں حیرت ہے

ایک راجا نے اتاری تھی زمیں پر گنگا

اک ندی دکھ میں ہے آنکھوں سے رواں حیرت ہے

ہم جسے دنیا سمجھ بیٹھے تھے اک مدت سے

شخص نکلا وہ فقط ایک گماں حیرت ہے

ایک لڑکی جو میرے حافظے سے غائب تھی

آج پھر سینے میں ہے رقص کناں حیرت ہے

faiz samjhe the jise tha wo ziyan hairat hai

ye mohabbat hi mire dil ko giran hairat hai

guzre lamhat ka ankhon mein pighalna hairat

uf tiri yad ki ye tarz-e-bayan hairat hai

ek raja ne utari thi zamin par ganga

ik nadi dukh mein hai ankhon se rawan hairat hai

ham jise duniya samajh baithe the ik muddat se

shakhs nikla wo faqat ek guman hairat hai

ek larki jo mere hafize se ghaib thi

aj phir sine mein hai raqs kunan hairat hai