ابھی ابھی ہوا ہم تیرگی سے نکلے ہیں

ابھی ابھی ہوا ہم تیرگی سے نکلے ہیں

جہان عشق کی اندھی گلی سے نکلے ہیں

کسی سے کہتے تو الزام اپنے سر آتا

یہ حادثہ تھا سو ہم خامشی سے نکلے ہیں

ہمیں یقین نہیں ہے کسی دکھاوے میں

سو سمت ہجر میں ہم سادگی سے نکلے ہیں

نہیں ہے قید کسی دائرے میں اپنی ذات

جہاں بھی نکلے ہیں آوارگی سے نکلے ہیں

ہماری آنکھ میں تنکا پڑا ہے آندھی سے

کہو نہ اشک یہ بے چارگی سے نکلے ہیں

ہمیں بنائے جو شاعر نہیں بنا وہ غم

ہمارے شعر تو ناراضگی سے نکلے ہیں

نظیر بن چکے ہیں راہ عشق کی دخلنؔ

یہ کوئی پیر ہیں دیوانگی سے نکلے ہیں

abhi abhi hua ham tirgi se nikle hain

jahan-e-ishq ki andhi gali se nikle hain

kisi se kahte to ilzam apne sar ata

ye hadisa tha so ham khamushi se nikle hain

hamen yaqin nahin hai kisi dikhawe mein

so samt hijr mein ham sadgi se nikle hain

nahin hai qaid kisi daire main apni zat

jahan bhi nikle hain awargi se nikle hain

hamari ankh mein tinka para hai andhi se

kaho na ashk ye be chargi se nikle hain

hamen banae jo shayar nahin bana wo gham

hamare sher to narazgi se nikle hain

nazir ban chuke hain rah-e-ishq ki dakhlan

ye koi pir hain diwangi se nikle hain