غم کی آغوش میں جو پلتے ہیں

غم کی آغوش میں جو پلتے ہیں

وہی دنیا کا رخ بدلتے ہیں

خار تو کیا ہیں ہم گلوں سے بھی

اپنا دامن بچا کے چلتے ہیں

انہی خاموش سی فضاؤں میں

کتنے طوفان ہیں جو پلتے ہیں

لاکھ کانٹے بچھے ہوں راہوں میں

چلنے والے ضرور چلتے ہیں

منزلیں چومتی ہیں ان کے قدم

آپ جو اپنی راہ چلتے ہیں

ہیں وہی اصل میں زمانہ شناس

جو زمانے کے ساتھ چلتے ہیں

ان کو ملتی ہے زندگیٔ دوام

ٹھوکریں کھا کے جو سنبھلتے ہیں

شعبدے دیکھ چشم ساقی کے

مے چھلکتی ہے جام چلتے ہیں

خوف سے رہزنوں کے اے جوہرؔ

ہم کہیں راستہ بدلتے ہیں

gham ki aghosh mein jo palte hain

wahi duniya ka rukh badalte hain

khar to kya hain ham gulon se bhi

apna daman bacha ke chalte hain

unhi khamosh si fazaon mein

kitne tufan hain jo palte hain

lakh kante bichhe hun rahon mein

chalne wale zarur chalte hain

manzilen chumti hain un ke qadam

ap jo apni rah chalte hain

hain wahi asl mein zamana shanas

jo zamane ke sath chalte hain

un ko milti hai zindagi-e-dawam

thokaren kha ke jo sambhalte hain

shobade dekh chashm-e-saqi ke

mai chhalakti hai jam chalte hain

khauf se rahzanon ke ai jauhar

ham kahin rasta badalte hain