وہ دل کشی وہ روشنئ بام و در گئی

وہ دل کشی وہ روشنئ بام و در گئی

تم کیا گئے کہ رونق شام و سحر گئی

چشم کرم کی خیر عجب کام کر گئی

بے رنگیٔ حیات میں سو رنگ بھر گئی

میں انتظار ہی میں رہا اور زندگی

چپ چاپ میرے پاس سے ہو کر گزر گئی

اشکوں کی بوند یار کی تصویر دیکھ کر

اوراق گل پہ صورت شبنم بکھر گئی

عہد وفائے دوست ہو یا انتظار دوست

ہر بات اعتبار کی حد سے گزر گئی

آئی جو تیری یاد تو مانند بوئے گل

ساری فضائے شوق کو مخمور کر گئی

اتنا تو میری آہ کا رد عمل ہوا

ان کی جبیں پہ ایک شکن سی ابھر گئی

ملتے ہی آج ان کی جنوں آفریں نگاہ

مجھ کو ہر ایک چیز سے بیگانہ کر گئی

جوہرؔ نہ پوچھ عمر گریزاں کی سرگزشت

جس طرح بھی گزر گئی آخر گزر گئی

wo dil kashi wo raushni-e-bam-o-dar gai

tum kya gae ke raunaq-e-sham-o-sahar gai

chashm-e-karam ki khair ajab kam kar gai

be rangi-e-hayat mein sau rang bhar gai

main intizar hi mein raha aur zindagi

chup chap mere pas se ho kar guzar gai

ashkon ki bund yar ki taswir dekh kar

auraq-e-gul pe surat-e-shabnam bikhar gai

ahd-e-wafa-e-dost ho ya intizar-e-dost

har bat etibar ki had se guzar gai

ai jo teri yad to manind-e-bu-e-gul

sari faza-e-shauq ko makhmur kar gai

itna to meri ah ka rad-e-amal hua

un ki jabin pe ek shikan si ubhar gai

milte hi aj un ki junun afrin nigah

mujh ko har ek chiz se begana kar gai

jauhar na puchh umr-e-gurezan ki sarguzasht

jis tarah bhi guzar gai akhir guzar gai