وہ کیا جواب دے عرض سوال سے پہلے

وہ کیا جواب دے عرض سوال سے پہلے

نہ سمجھے بات جو اظہار حال سے پہلے

خوشا وہ دور کہ جب تھا مسرتوں کا ہجوم

رخ حیات پہ گرد ملال سے پہلے

کرشمہ سازیٔ حسن تصورات نہ پوچھ

وہ آ گئے مرے دل میں خیال سے پہلے

یہ جانتا ہوں کسی چیز کو زمانے میں

زوال ہو نہیں سکتا کمال سے پہلے

خدا گواہ کہ میں نے نہ دی جگہ دل میں

کسی خیال کو تیرے خیال سے پہلے

کچھ اس طرح سے ہوئی زندگی کی بربادی

کوئی مثال نہیں اس مثال سے پہلے

شعور فن کسی اہل کمال سے پہلے

wo kya jawab de arz-e-sawal se pahle

na samjhe bat jo izhar-e-hal se pahle

khusha wo dur ke jab tha masarraton ka hujum

rukh-e-hayat pe gard-e-malal se pahle

karishma sazi-e-husn-e-tasawwurat na puchh

wo a gae mire dil mein khayal se pahle

ye janta hun kisi chiz ko zamane mein

zawal ho nahin sakta kamal se pahle

khuda gawah ke main ne na di jagah dil mein

kisi khayal ko tere khayal se pahle

kuchh is tarah se hui zindagi ki barbadi

koi misal nahin is misal se pahle

shuur-e-fan kisi ahl-e-kamal se pahle