پہلے تو اس کی ذات غزل میں سمیٹ لوں

پہلے تو اس کی ذات غزل میں سمیٹ لوں

پھر ساری کائنات غزل میں سمیٹ لوں

ہوتے ہیں رونما جو زمانے میں روز و شب

وہ سارے حادثات غزل میں سمیٹ لوں

پہلے تو میں غزل میں کہوں اپنے دل کی بات

پھر سب کے دل کی بات غزل میں سمیٹ لوں

کوئی خیال ذہن سے بچ کر نہ جا سکے

سارے تصورات غزل میں سمیٹ لوں

مقبول بارگاہ رسالت ہوں میرے شعر

سرمایۂ نجات غزل میں سمیٹ لوں

جوہرؔ وہ بات جس کا تعلق ہو زیست سے

ایسی ہر ایک بات غزل میں سمیٹ لوں

pahle to us ki zat ghazal mein samet lun

phir sari kainat ghazal mein samet lun

hote hain runuma jo zamane mein roz-o-shab

wo sare hadsat ghazal mein samet lun

pahle to main ghazal mein kahun apne dil ki bat

phir sab ke dil ki bat ghazal mein samet lun

koi khayal zehn se bach kar na ja sake

sare tasawwurat ghazal mein samet lun

maqbul-e-bargah-e-risalat hun mere sher

sarmaya-e-najat ghazal mein samet lun

jauhar wo bat jis ka taalluq ho zist se

aisi har ek bat ghazal mein samet lun