کام ہے ان کا جفا وہ با وفا کہنے کو ہیں

کام ہے ان کا جفا وہ با وفا کہنے کو ہیں

دیتے ہیں جو درد دل اہل شفا کہنے کو ہیں

ہم تو سمجھے تھے وہ ساحل پر اتاریں گے ہمیں

ڈال دی ناؤ بھنور میں نا خدا کہنے کو ہیں

فاصلوں سے کم نہ ہوں گے روح کے رشتے کبھی

وہ ہمیشہ دل میں ہیں دل سے جدا کہنے کو ہیں

منفرد ان کی محبت منفرد ان کی وفا

دوریاں رکھتے ہیں پھر بھی ہم نوا کہنے کو ہیں

ان کی اک ابرو کی جنبش بھی سخن ور ہے بہت

ہے زباں بھی ان کے منہ میں مدعا کہنے کو ہیں

دوسروں کو راستہ دکھلائیں گے وہ کس طرح

راہ گم کردہ ہیں خود اور رہنما کہنے کو ہیں

ہو گئی ہے آگہی ان سے ‎صبیحہؔ اس قدر

جان لیتی ہوں میں اتنا اب وہ کیا کہنے کو ہیں

kam hai un ka jafa wo ba wafa kahne ko hain

dete hain jo dard-e-dil ahl-e-shifa kahne ko hain

ham to samjhe the wo sahil par utarenge hamen

dal di nao bhanwar mein na khuda kahne ko hain

faslon se kam na honge ruh ke rishte kabhi

wo hamesha dil mein hain dil se juda kahne ko hain

munfarid un ki mohabbat munfarid un ki wafa

duriyan rakhte hain phir bhi ham nawa kahne ko hain

un ki ik abru ki jumbish bhi sukhan war hai bahut

hai zaban bhi un ke munh mein muddaa kahne ko hain

dusron ko rasta dikhlaenge wo kis tarah

rah gum karda hain khud aur rahnuma kahne ko hain

ho gai hai agahi un se sabeha is qadar

jan leti hun main itna ab wo kya kahne ko hain