دولت ملی جہان کی نام و نشاں ملے

دولت ملی جہان کی نام و نشاں ملے

سب کچھ ملا ہمیں نہ مگر مہرباں ملے

پہلے بھی جیسے دیکھ چکے ہوں انہیں کہیں

انجان وادیوں میں کچھ ایسے نشاں ملے

بڑھتا گیا میں منزل محبوب کی طرف

حائل اگرچہ راہ میں سنگ‌ راں ملے

رونا پڑا نصیب کے ہاتھوں ہزار بار

اک بار مسکرا کے جو تم مہرباں ملے

ہم کو خوشی ملی بھی تو بس عارضی ملی

لیکن جو غم ملے وہ غم جاوداں ملے

باقی رہے گی حشر تک ان کے کرم کی یاد

مجھ کو رہ حیات میں جو مہرباں ملے

پھر کیوں کرے تلاش کوئی اور آستاں

وہ خوش نصیب جس کو ترا آستاں ملے

اہل ستم کی دل شکنی کا سبب ہوا

دل کا یہ حوصلہ کہ غم بے کراں ملے

ساقی کی اک نگاہ سے کایا پلٹ گئی

زاہد جو میکدے میں ملے نوجواں ملے

دیر و حرم کے لوگ بھی درماں نہ کر سکے

وہ بھی اسیر کشمکش این و آں ملے

نظریں تلاش کرتی رہیں جن کو عمر بھر

درشنؔ کو وہ سکون کے لمحے کہاں ملے

daulat mili jahan ki nam-o-nishan mile

sab kuchh mila hamen na magar mehrban mile

pahle bhi jaise dekh chuke hun unhen kahin

anjan wadiyon mein kuchh aise nishan mile

barhta gaya main manzil mahbub ki taraf

hail agarche rah mein sang-e-ran mile

rona para nasib ke hathon hazar bar

ik bar muskura ke jo tum mehrban mile

ham ko khushi mili bhi to bas arzi mili

lekin jo gham mile wo gham-e-jawedan mile

baqi rahegi hashr tak un ke karam ki yad

mujh ko rah-e-hayat mein jo mehrban mile

phir kyun kare talash koi aur astan

wo khush nasib jis ko tira astan mile

ahl-e-sitam ki dil shikani ka sabab hua

dil ka ye hausla ke gham-e-be karan mile

saqi ki ik nigah se kaya palat gai

zahid jo maikade mein mile naujawan mile

dair-o-haram ke log bhi darman na kar sake

wo bhi asir-e-kashmakash-e-ain-o-an mile

nazren talash karti rahen jin ko umr bhar

darshan ko wo sukun ke lamhe kahan mile