یہی کاغذ یہی قلم ہوگا

یہی کاغذ یہی قلم ہوگا

روز اک واقعہ رقم ہوگا

ابھی بھیگیں گی اور بھی پلکیں

ابھی آنچل کچھ اور نم ہوگا

میری حالت اسے نہ بتلانا

وہ سنے گا تو اس کو غم ہوگا

میرے خوابوں کا میری آنکھوں میں

کیا وجود اور کیا عدم ہوگا

اس سے ملنا بہت ضروری ہے

درد کچھ تو صبیحہؔ کم ہوگا

yahi kaghaz yahi qalam hoga

roz ik waqia raqam hoga

abhi bhigengi aur bhi palken

abhi anchal kuchh aur nam hoga

meri halat use na batlana

wo sunega to us ko gham hoga

mere khwabon ka meri ankhon mein

kya wajud aur kiya adam hoga

us se milna bahut zaruri hai

dard kuchh to sabeha kam hoga