بے سبب ہم سے وہ بیزار نظر آتے ہیں

بے سبب ہم سے وہ بیزار نظر آتے ہیں

دکھ کے ہر چار سو انبار نظر آتے ہیں

کل تلک جن کو تھی ہم سے نسبت ہمدم

آج غیروں کے طلب گار نظر آتے ہیں

جب بھی تاریخ کے اوراق پلٹ کر دیکھوں

عظمت رفتہ کے مینار نظر آتے ہیں

کس کو فرصت ہے یہاں دوسروں کے غم بانٹے

لوگ خوشیوں کے خریدار نظر آتے ہیں

گرد میں کارواں کی آج مجھے مبہم سے

دور منزل کے کچھ آثار نظر آتے ہیں

خیر کی جن سے کسی کو نہ تھی کوئی امید

وہ بھی اب مائل ایثار نظر آتے ہیں

آخرش گزری ‎صبیحہؔ یہ اندھیری شب بھی

خیر سے صبح کے آثار نظر آتے ہیں

be sabab ham se wo bezar nazar ate hain

dukh ke har char su ambar nazar ate hain

kal talak jin ko thi ham se nisbat hamdam

aj ghairon ke talab gar nazar ate hain

jab bhi tarikh ke auraq palat kar dekhun

azmat rafta ke minar nazar ate hain

kis ko fursat hai yahan dusron ke gham bante

log khushiyon ke kharidar nazar ate hain

gard mein karwan ki aj mujhe mubham se

dur manzil ke kuchh asar-e-nazar ate hain

khair ki jin se kisi ko na thi koi ummid

wo bhi ab mail-e-isar nazar ate hain

akhirash guzri sabeha ye andheri shab bhi

khair se subh ke asar nazar ate hain