دیکھتے ہیں کب تلک یہ روگ پالا جائے گا

دیکھتے ہیں کب تلک یہ روگ پالا جائے گا

آنکھ سے کب ہجر کا کانٹا نکالا جائے گا

آج سے کل کل سے پرسوں اور سالوں سال ہی

کیا ہمارے وصل کو ایسے ہی ٹالا جائے گا

کب نہ جانے زندگی کا لطف آئے گا ہمیں

کب نہ جانے دل کے اندر کا یہ چھالا جائے گا

جرم یہ کی آپ سے ہم کو محبت ہو گئی

اب ذرا سے جرم پر کیا مار ڈالا جائے گا

زندگی بھر آپ نے ہم کو اچھالا ہے بہت

مر گیا تو کیا جنازہ بھی اچھالا جائے گا

dekhte hain kab talak ye rog pala jaega

ankh se kab hijr ka kanta nikala jaega

aj se kal kal se parson aur salon sal hi

kya hamare wasl ko aise hi tala jaega

kab na jane zindagi ka lutf aega hamen

kab na jane dil ke andar ka ye chhala jaega

jurm ye ki ap se ham ko mohabbat ho gai

ab zara se jurm par kya mar dala jaega

zindagi bhar ap ne ham ko uchhala hai bahut

mar gaya to kya janaza bhi uchhala jaega