اس طرح محبت نے کچھ ہمیں سنوارا ہے

اس طرح محبت نے کچھ ہمیں سنوارا ہے

درد میں بھی شدت ہے زخم بھی کرارا ہے

اب تو جان جاناں کی دھندھلی دھندھلی یادیں ہیں

اور اس کی یادوں کا ہی فقط سہارا ہے

یوں تو اس سے بچھڑے اب مدتیں ہوئیں لیکن

دل ابھی بھی کہتا ہے وہ ابھی ہمارا ہے

اس سے ہی تو چلتے ہیں کاروبار گلشن کے

وہ ہی رات رانی ہے وہ ہی گل ہزارہ ہے

جس طرح تڑپ کر یہ رو رہا ہے پاگل دل

دیکھنے سے لگتا ہے پیار کا یہ مارا ہے

کیجیے تہ دل سے شکریہ محبت کا

آبلے ہیں پاؤں میں دل میں اب شرارہ ہے

is tarah mohabbat ne kuchh hamen sanwara hai

dard mein bhi shiddat hai zakhm bhi karara hai

ab to jan-e-janan ki dhundhuli dhundhuli yaden hain

aur us ki yadon ka hi faqat sahara hai

yun to us se bichhre ab muddaten huin lekin

dil abhi bhi kahta hai wo abhi hamara hai

us se hi to chalte hain karobar gulshan ke

wo hi rat rani hai wo hi gul hazara hai

jis tarah tarap kar ye ro raha hai pagal dil

dekhne se lagta hai pyar ka ye mara hai

kijiye tah dil se shukriya mohabbat ka

able hain paon mein dil mein ab sharara hai