آج دل سے دعا کرے کوئی

آج دل سے دعا کرے کوئی

حق الفت ادا کرے کوئی

جس طرح دل مرا تڑپتا ہے

یوں نہ تڑپے خدا کرے کوئی

جان و دل ہم نے کر دیے قرباں

وہ نہ مانے تو کیا کرے کوئی

دل بیتاب کی تمنا ہے

پھر کہوں میں سنا کرے کوئی

مست نظروں سے خود مرا ساقی

پھر پلائیے پیا کرے کوئی

مئے عرفاں کے ہم بھی ہیں مشتاق

در مے خانہ وا کرے کوئی

شوق دیدار دل میں ہے درشنؔ

آ بھی جائے خدا کرے کوئی

aj dil se dua kare koi

haq-e-ulfat ada kare koi

jis tarah dil mira tarapta hai

yun na tarpe khuda kare koi

jan-o-dil ham ne kar diye qurban

wo na mane to kya kare koi

dil-e-betab ki tamanna hai

phir kahon main suna kare koi

mast nazron se khud mira saqi

phir pilaiye piya kare koi

mai-e-irfan ke ham bhi hain mushtaq

dar-e-mai khana wa kare koi

shauq-e-didar dil mein hai darshan

a bhi jae khuda kare koi