وہ حسن آنکھ سے دیکھا ہوا یقین مجھے

وہ حسن آنکھ سے دیکھا ہوا یقین مجھے

اگرچہ روز بتاتے تھے زائرین مجھے

میں آپ اپنا تماشہ تماش گاہوں میں

تماشا گر کیوں سمجھتا تماشبین مجھے

ہر ایک کو میں پرکھتا تھا دل کی آنکھوں سے

بہت قریب دکھاتی تھی دوربین مجھے

میں آستین میں پلتے ہوؤں کو جانتا ہوں

سو دشمنوں میں سمجھ لیں منافقین مجھے

میں رات ان کی طرح خاک چھانتا رہا ہوں

سو دشت زاد سمجھتے رہے مکین مجھے

میں منکشف ہی نہیں ہو رہا تھا خود ان پر

بغور پڑھتے رہے تھے کئی ذہین مجھے

wo husn ankh se dekha hua yaqin mujhe

agarche roz batate the zairin mujhe

main ap apna tamasha tamash gahon mein

tamasha gar kyun samajhta tamashbain mujhe

har ek ko main parakhta tha dil ki ankhon se

bahut qarib dikhati thi durbin mujhe

main astin mein palte huon ko janta hun

so dushmanon mein samajh len munafiqin mujhe

main rat un ki tarah khak chhanta raha hun

so dasht zad samajhte rahe makin mujhe

main munkashif hi nahin ho raha tha khud un par

baghaur parhte rahe the kai zahin mujhe