کیسے سمجھاؤں گا ان کو کہ پری آئے گی

کیسے سمجھاؤں گا ان کو کہ پری آئے گی

میری باتوں پہ جنہیں صرف ہنسی آئے گی

آنکھ موندے ہوئے خلوت میں پڑا سوچتا ہوں

میری وحشت میں کبھی کوئی کمی آئے گی

اس نے سرگوشی میں اک رنج دیا اور کہا

آتے آتے ہی تجھے نوحہ گری آئے گی

بس اسی بات سے پہچان لیا جائے گا

مسکراؤں گا تو آنکھوں میں نمی آئے گی

دو جہاں طشت میں رکھ کر اسے لوٹا دوں گا

میرے حصے میں اگر تیری کمی آئے گی

kaise samjhaunga un ko ke pari aegi

meri baton pe jinhen sirf hansi aegi

ankh munde hue khalwat mein para sochta hun

meri wahshat mein kabhi koi kami aegi

us ne sargoshi mein ik ranj diya aur kaha

ate ate hi tujhe nauha giri aegi

bas isi bat se pahchan liya jaega

muskuraunga to ankhon mein nami aegi

do jahan tasht mein rakh kar use lauta dunga

mere hisse mein agar teri kami aegi