عین ممکن ہے اذیت سے نکل آئیں گے

عین ممکن ہے اذیت سے نکل آئیں گے

ہم ترے بعد محبت سے نکل آئیں گے

تم بھی دیکھو کبھی دیوار تک آیا ہوا دشت

آبلے آنکھ میں وحشت سے نکل آئیں گے

ہم بھی پھر گھر سے نکل آئیں گے سیٹی لے کر

اور پرندے بھی شرارت سے نکل آئیں گے

دوست کانٹوں کو بچھاتے ہوئے تھک جائیں گے

اور ہم لوگ مہارت سے نکل آئیں گے

ساتھ چھوڑیں گے نہیں ہم ترا آدم کی طرح

پیچھے پیچھے ترے جنت سے نکل آئیں گے

ain mumkin hai aziyyat se nikal aenge

ham tire baad mohabbat se nikal aenge

tum bhi dekho kabhi diwar tak aya hua dasht

able ankh mein wahshat se nikal aenge

ham bhi phir ghar se nikal aenge siti le kar

aur parinde bhi shararat se nikal aenge

dost kanton ko bichhate hue thak jaenge

aur ham log maharat se nikal aenge

sath chhorenge nahin ham tira adam ki tarah

pichhe pichhe tire jannat se nikal aenge