آنکھوں سے لگا لو مری اندازۂ وحشت

آنکھوں سے لگا لو مری اندازۂ وحشت

تم کھول نہیں پاؤ گے دروازۂ وحشت

ہر آن سنورتی ہوئی آشفتہ مزاجی

ہر لحظہ بکھرتا ہوا شیرازۂ وحشت

تا حد نظر چاروں طرف زرد اداسی

اندر کی طرف کھل گیا دروازۂ وحشت

ہے تم کو قسم دشت میں مڑ کر نہیں تکنا

آئے بھی تو ہوگا فقط آوازۂ وحشت

ankhon se laga lo miri andaza-e-wahshat

tum khol nahin paoge darwaza-e-wahshat

har an sanwarti hui ashufta mizaji

har lahza bikharta hua shiraza-e-wahshat

ta had-e-nazar charon taraf zard udasi

andar ki taraf khul gaya darwaza-e-wahshat

hai tum ko qasam dasht mein mur kar nahin takna

ae bhi to hoga faqat awaza-e-wahshat