گلی سے گزروں تو اس پر بھی دھیان پڑتا ہے

گلی سے گزروں تو اس پر بھی دھیان پڑتا ہے

وہ جس کا گھر مرے رستے میں آن پڑتا ہے

اب اس سے آگے کوئی شخص بھی نہیں رہتا

اب اس سے آگے تو خالی مکان پڑتا ہے

میں روز شب کا اکیلے عذاب سہتا ہوں

بدن پہ روز ہی تازہ نشان پڑتا ہے

ہماری راہ میں دیوار اب نہیں پڑتی

ہماری راہ میں اب آسمان پڑتا ہے

اس آئنے میں ترا عکس مستقل ہے حیاتؔ

وہ آئنہ جو مرے درمیان پڑتا ہے

gali se guzrun to us par bhi dhyan parta hai

wo jis ka ghar mire raste mein an parta hai

ab is se age koi shakhs bhi nahin rahta

ab is se age to khali makan parta hai

main roz shab ka akele azab sahta hun

badan pe roz hi taza nishan parta hai

hamari rah mein diwar ab nahin parti

hamari rah mein ab asman parta hai

is aine mein tira aks mustaqil hai hayat

wo aina jo mire darmiyan parta hai