Arooz is now on the App Store, for iPhone and iPad. Download →

All poetry

سوال کرتی ہوئی رات کے علاوہ ہے

Danish Hayat (b. 1994)

سوال کرتی ہوئی رات کے علاوہ ہے

کہ مجھ میں کوئی مری ذات کے علاوہ ہے

یہ اشک اور کسی عشق کی کرامت ہیں

یہ مات اور کسی مات کے علاوہ ہے

یہ کون کن کی حقیقت بتا رہا ہے مجھے

یہ کس کا ہاتھ مناجات کے علاوہ ہے

مجھے خبر ہے کہ گردش میں ہیں یہ کون و مکاں

مگر یہاں کوئی دن رات کے علاوہ ہے

یہ آس پاس کا سارا علاقہ ہے گھائل

کہ دل کا خطہ مضافات کے علاوہ ہے

یہ اندروں کی چمک ہے کہ ہے ید بیضا

کہ اس میں جو ہے کرامات کے علاوہ ہے