دیے کی آخری خواہش کا احترام کرو

دیے کی آخری خواہش کا احترام کرو

تمام شہر جلانے کا اہتمام کرو

وجود چپ کی طرف گامزن ہے اور مجھے

یہ لوگ بول رہے ہیں کوئی کلام کرو

کوئی تو لفظ تراشو ہماری حرمت پر

کوئی تو سنگ ہمارے سروں کے نام کرو

میں تھک چکا ہوں قدم سے قدم ملاتے ہوئے

رکو بھی قافلے والو کہیں قیام کرو

یہ خواب ہجر یہ وحشت یہ دکھ یہ اشک رواں

قبول کر لو انہیں یا پھر انتظام کرو

diye ki akhiri khwahish ka ehtiram karo

tamam shahr jalane ka ehtimam karo

wajud chup ki taraf gamzan hai aur mujhe

ye log bol rahe hain koi kalam karo

koi to lafz tarasho hamari hurmat par

koi to sang hamare saron ke nam karo

main thak chuka hun qadam se qadam milate hue

ruko bhi qafile walo kahin qayam karo

ye khwab hijr ye wahshat ye dukh ye ashk-e-rawan

qubul kar lo unhen ya phir intizam karo